ကျွန်တော်တို့  နိုင်ငံမှာ လိုအပ်နေတဲ့ ငြိမ်းချမ်းရေးဟာ အဖွဲ့  အစည်းတွေက ငါတို့  စစ်မတိုက် ကြတော့ဘူးကွာ လို့  သဘောတူ ရုံနဲ့  မရနိုင်ပါဘူး ။ စစ်တိုက်တာ ခဏရပ်လိုက်တဲ့ နည်းနဲ့  အဖြေရှာ ခဲ့တာ နှစ်ပေါင်း မနည်းတော့ ပေမဲ့ တကယ် လိုအပ်နေတဲ့ ငြိမ်းချမ်းရေး ဆိုတာနဲ့  အလှမ်းဝေး နေတုန်းပါပဲ ။ စစ်မှန်တဲ့ ငြိမ်းချမ်းရေး အတွက် အမှန် တကယ်လိုအပ် နေတာက နိုင်ငံသားတိုင်းမှာ ပြည်ထောင်စု စိတ်ဓာတ် ရှိဖို့ ပါ ။
ကျွန်တော် မွန်လူမျိုး တစ်ယောက်ပါ ။ ငယ်ငယ်တုန်း က စာဖတ်အား နည်းခဲ့ တာရော ၊ ကျောင်းစာ တွေကို အလွတ်ပဲ ကျက်ခဲ့တာတွေ ကြောင့်ရော မွန်လူမျိုးဆိုတာ မြန်မာနိုင်ငံ ထဲမှာနေထိုင်တဲ့ တိုင်းရင်းသား မျိုးနွယ်စု တစ်ခုလို့  သာ ကျွန်တော်သိ ခဲ့တာပါ ။ မွန်ဆိုတာ ကိုယ့်ထီး ၊ ကိုယ့်နန်း၊ ကိုယ့် ကိုယ်ပိုင် နိုင်ငံနဲ့  သီးခြားရပ်တည် ခဲ့တဲ့ လူမျိုးစု ဆိုတာ ကျွန်တော် အထက်တန်း အရွယ် ရောက်မှ သိခဲ့တယ် ။ အဲဒီ နောက်ပိုင်း မှာတော့ မွန်သူရဲကောင်း တွေအကြောင်းနဲ့  မွန်ရာဇ၀င် အကြောင်း စာအုပ်အချို့  ရှာဖတ် ဖြစ်ခဲ့တယ် ။ မွန်ဘုရင်က မြန်မာဘုရင်ကို စစ်ရှုံးပြီး မွန်နိုင်ငံပျောက်ခဲ့ တာကို သိရတဲ့ အချိန်က စပြီး မွန်လူမျိုး တစ်ယောက် အနေနဲ့  ကျွန်တော် ရဲ့  အပြင်းပြဆုံး ဆန္ဒ တစ်ခုက မွန်နိုင်ငံ ပြန်တည်ထောင် တာကို မြင်ချင်တာပါ ။ မွန်နိုင်ငံ ပြန်လည် တည်ထောင် နိုင်ဖို့  အတွက် အဲဒီအချိန်မှာ ကျွန်တော် နားလည်သော တစ်ခုတည်းသော နည်းလမ်းက လက်ရှိ နိုင်ငံတော် အစိုးရကို တော်လှန်ဖို့ ပါ ။ အစိုးရ တပ်နဲ့  တိုက်နေတဲ့ မွန်စစ်တပ် ရှိတယ် ဆိုတာကို သိတာက လွဲပြီး မွန် တပ်မှာ အင်အား ဘယ်လောက် ရှိလို့ ဘာတွေ လုပ်နေလဲ ၊ အဖွဲ့  အစည်းရဲ့  ရည်မှန်းချက် က ဘာလဲ ဆိုတာလဲ ကျွန်တော် မသိပါဘူး ။ ကျွန်တော့်မှာ စိတ်ကသာ ရှိတာပါ ကိုယ်တိုင်က နိုင်ငံရေး သမား တစ်ယောက် မဟုတ်သလို ၊ ဘယ် အဖွဲ့  အစည်း နဲ့  မှလဲ အဆက်အသွယ် မရှိတဲ့ အတွက် ဘာမှလဲ မလုပ်ဖြစ်ပါဘူး ။
တစ်ခါတုန်းကပေါ့ သူငယ်ချင်း တွေနဲ့  ပြည်တွင်းမှာ ဖြစ်နေတဲ့ စစ်ပွဲတွေ အကြောင်းပြောရင်း ၊ တစ်ချိန်ချိန်မှာ မွန် နဲ့ ဗမာ တိုက်ပွဲ တွေပြင်းထန်လာလို့  ဘယ်သူ့  ဖက်က ရပ်တည်မလဲလို့  ရွေးရမဲ့ အခြေအနေ ဖြစ်လာတဲ့ အခါ ကြရင် ငါကတော့ မွန်ဖက်က ၀င်တိုက်ရ လိမ့်မယ် ၊ အဲဒီလို အခြေအနေ ရောက်တဲ့ အခါ မင်းတို့  နဲ့  ငါ ရန်သူတွေ ဖြစ်သွားမှာ ဆိုတော့ သူငယ်ချင်း တွေက ကျွန်တော်ရဲ့  ဆုံးဖြတ်ချက်ကို နားမလည်ကြဘူး ။ မင်းကဘာလို့  သူပုန်တွေ ဖက်က တိုက်ချင်ရတာလဲ လို့  ၀ိုင်းမေးကြတယ် ။ ငါက သူပုန်သွား လုပ်မှာ မဟုတ်ဘူး ၊ မွန်စစ်သား သွားလုပ်မှာ ဆိုတဲ့ ကျွန်တော့် အဖြေကို သူတို့  နားမလည် ခဲ့ကြဘူး ။
ကျွန်တော် ဆယ်တန်းအောင် ပြီးစ အချိန်မှာ “Gone With The Wind” ကို ဘာသာပြန် ထားတဲ့ “လေရူးသုန်သုန်” ဆိုတဲ့ စာအုပ်ကို ဖတ်ဖြစ်တယ် ။ အဲဒီစာအုပ် ဖတ်ပြီး စစ်ဘေးဒဏ်မှာ မှန်တဲ့ဖက် နဲ့ မှားတဲ့ဖက် ဆိုတာ မရှိဘူး ဆိုတဲ့ အသိ တစ်ခု ရလိုက်တယ် ။ ပြည်တွင်းစစ်ရဲ့  ဒုက္ခကို ကျွန်တော် တော်တော် ကြောက်သွားတယ် ။ တချိန်ထဲမှာပဲ မွန်လူမျိုး တစ်ယောက် အနေနဲ့  မွန်တွေရဲ့  ကိုယ်ပိုင် အုပ်ချုပ်ခွင့်ရ နိုင်ငံ တစ်ခုကိုလဲ မြင်ချင်တယ် ၊ ပြည်တွင်း စစ်နဲ့  ပြည်သူတွေရဲ့  စစ်ဘေးဒဏ် ဒုက္ခ တွေကိုလဲ မုန်းမိတယ် ။
ကျွန်တော် နိုင်ငံခြားသွားဖို့  လုပ်တော့ TOEFL သင်တန်း တွေ တက်ဖြစ်တယ် ။ တက်ဖြစ်တဲ့ သင်တန်း တစ်ခုက ဘိုကလေး ဈေးနား က သင်တန်း လို့  ထင်တယ် သေချာတော့ မမှတ်မိတော့ဘူး ဆရာကတော့ နာမည်ကြီး ဆရာတစ်ယောက်ပါ ။ ရက်ပိုင်းလေးပဲ တက်ဖြစ်လိုက်တဲ့ အဲဒီသင်တန်းမှာ တရက် ဆရာက ဖက်ဒရယ် စနစ် အကြောင်းကို ပြောတယ် ။ TOEFL စာမေးပွဲ ဖြေဖို့  ပြင်ဆင်နေသူ အများစု က အမေရိကန် သွားဖို့  ကြိုးစားနေ သူတွေဖြစ်လို့  အမေရိကန်နိုင်ငံက ဖက်ဒရယ် စနစ်မှာ ပြည်နယ်တွေက ကိုယ်ပိုင် အုပ်ချုပ်ခွင့်တွေ ရှိတယ် ဆိုတဲ့ အကြောင်း ခပ်တိုတို ရှင်းပြတာပါ ။
ဖက်ဒရယ် စနစ် အကြောင်းကို သိ ပြီးတဲ့ နောက်ပိုင်းမှာ တိုင်းရင်းသား အများကြီး ရှိတဲ့ ငါတို့  နိုင်ငံမှာ ဒီ စနစ်သာ သုံးရင် အားလုံး အဆင်ပြေမှာလို့  တွေးမိတယ် ။ အချင်းချင်း စစ်တိုက် နေစရာ မလိုပဲ အားလုံးကို ကိုယ်စားပြုတဲ့ နိုင်ငံ တစ်ခုထဲမှာ တိုင်းရင်းသားတွေ အားလုံး စုပေါင်း နေထိုင်နိုင်မဲ့ ဒီစနစ် ကို လူတိုင်း နားလည် လက်ခံနိုင် ကြရင် သိပ်ကောင်းမှာပဲလို့  တွေးမိတယ် ။
ကျွန်တော် နိုင်ငံခြား စရောက်တဲ့ အချိန် ပြည်တွင်း ပြည်ပမှာ ဒီမိုကရေစီ ရရှိရေး ဒို့ အရေးလို့  အော်နေတဲ့ သူတွေကို နေရာတိုင်းမှာ တွေ့  နိုင်ပေမဲ့ တိုင်းရင်းသားတွေရဲ့  အခွင့်အရေး တွေ အကြောင်းကို ပြောတဲ့ သူတွေကတော့ မရှိ သလောက်ကို ရှားနေ သေးတယ် ။ တိုင်းရင်းသား အဖွဲ့  အားလုံးနီးပါး ကလဲ ကိုယ့်လူမျိုးစု အခွင့်အရေး အတွက်သာ ပြောကြတယ် ။ ဒါပေမဲ့ မွန်ပြည်သစ် ပါတီ ကတော့ အဲဒီ အချိန်ထဲက မြန်မာ နိုင်ငံထဲမှာ နေထိုင် ကြတဲ့ တိုင်းရင်းသား အားလုံးအတွက် အသင့်တော်ဆုံး ဖြစ်တဲ့ ဖက်ဒရယ် စနစ်ကို အားလုံး နားလည် လက်ခံဖို့  အတွက် ကြိုးပမ်းနေတဲ့ ရှားရှားပါးပါး အဖွဲ့  အစည်း တစ်ခု ဖြစ်တယ် ဆိုတာ သိလိုက်ရတော့ တော်တော်လေး ၀မ်းသာမိတယ် ။ မွန်ပြည်သစ် ပါတီရဲ့  ခေါင်းဆောင်ပိုင်း တွေကိုလဲ လေးစားမိတယ် ။ အခုအချိန် အထိလဲ မွန်ပြည်သစ် ပါတီဟာ အခြားတိုင်းရင်းသား အဖွဲ့  တွေဖက်က မှားမှားမှန်မှန် ကာကွယ်ပြီး ရပ်တည် ပေးနေတဲ့ သတင်းတွေ တွေ့  နေရတယ် ။ ဒါပေမဲ့ အဲဒီ အဖွဲ့  တွေရဲ့  အမြင် ကျဉ်းမြောင်းတဲ့ ကြေညာချက်တွေ ၊ လူမျိုးရေး အစွဲတွေ ၊ ပြည်ထောင်စု စိတ်ဓာတ် အားနည်းနေမှုတွေ ၊ တကိုယ်ကောင်းဆန်တဲ့ ရပ်တည်မှု တွေကို ကြားရတဲ့ အခါတွေမှာ တော်တော် လေး စိတ်မကောင်းဖြစ်မိတယ် ။
အချို့  အဖွဲ့  တွေမှာ လူမျိုးစု အစွဲတွေ အရမ်းအားကောင်း နေသေးတယ် ။ အချို့  အဖွဲ့  တွေက လူမျိုးစုကို ကိုးစားပြုတဲ့ နာမည်တွေ ယူထား ကြပေမဲ့ သူတို့  စိတ်ဝင်စားတာ စီးပွားရေး လုပ်ငန်းတွေသာ ဖြစ်တယ် ။ အခုလက်ရှိ အချိန်က သေနတ် ကိုင် ထားတဲ့ အဖွဲ့ အစည်းတွေ အနေနဲ့  ကိုယ်လုပ်ချင်တာ လုပ်ခွင့် မရတဲ့ အခါတိုင်း သေနတ်ပြန် ဖောက်မယ် ၊ စစ်မတိုက်ကြေး လက်မှတ် ထိုးမယ် ၊ အခွင့်အရေးတွေ တောင်းမယ် ဆိုတဲ့ အချိန် မဟုတ်တော့ ပါဘူး ။ အဖွဲ့  အစည်းတိုင်း ထပ်ခါ သလဲလဲ တောင်းဆိုခဲ့ကြတဲ့ စားပွဲမှာ ထိုင်ပြီး အဖြေရှာ မယ်ဆိုတဲ့ အခွင့်အရေးကို အကောင်အထည် ဖော်ဖို့  အချိန်ပါ ။
မိမိတို့  ဖြစ်ချင်တဲ့ ဆန္ဒတွေကို ထုတ်ဖော်ကြပါ ။ အခြား သူတွေရဲ့  ဆန္ဒကိုလဲ လေးလေးစားစား နားထောင်ပေးပါ ။ လိုအပ်တာတွေကို တောင်းဆိုကြပါ ၊ ကိုယ်ပြန်ပေးနိုင်တာ တွေကိုလဲ စဉ်းစားပေးပါ ။ ကျွန်တော်တို့  နိုင်ငံမှာ လက်ရှိ နေထိုင်နေတာ လူမျိုးစု ၁၃၅ မျိုးရှိပါတယ် ။ လူများစု တိုင်းရင်းသားတွေ အနေနဲ့  မိမိတို့ ရဲ့  စာပေ ၊ ယဉ်ကျေးမှု ၊ ဘာသာ စကား ၊ ယိုးရာ ယဉ်ကျေးမှု အစဉ်အလာ တွေကို တန်ဖိုးထား ကြသလို ၊ မိမိတို့  ပြည်နယ် ထဲမှာ နေထိုင်ကြတဲ့ လူနည်းစု တိုင်းရင်းသား တွေရဲ့  အခွင့်အရေး အတွက် လဲစဉ်းစားပေးပါ ။ အရေးအကြီးဆုံး အချက်က ညီတူညီမျှ ခွဲဝေ တာဟာ ၊ ညီတူညီမျှ အကျိုး ခံစားခွင့် ရှိတာနဲ့  မတူဘူး ဆိုတာကို နားလည်ပေးပါ ။
အခုအချိန်မှာ အဖွဲ့  အစည်းတွေရဲ့  တောင်းဆိုမှုတွေကို ပြည်သူတွေ အားလုံးက နားထောင်နေကြတယ် ။ အဖြေတွေကိုလဲ ပြည်သူတွေ ကြားကြလိမ့်မယ် ။ မျှတမှု မရှိတဲ့ အဖြေတွေ အတွက် မျှတမှုကို လိုလားတဲ့ ပြည်သူတွေရဲ့  အသံတွေကို ကြားရလိမ့်မယ် ။ မျှတမှု ရှိတဲ့ အဖြေတွေကို လက်ခံဖို့  ငြင်းတဲ့ အဖွဲ့ တွေ ကတော့ ပြည်ထောင်စု ကြီးရဲ့  ရန်သူ ဖြစ်လာလိမ့်မယ် ။ ဘယ်အဖွဲ့  အစည်းက ပြည်ထောင်စု စိတ်ဓာတ် ရှိပြီး ဘယ်အဖွဲ့  အစည်းရဲ့  ရပ်တည်မှုက ပြည်ထောင်စု စိတ်ဓာတ်နဲ့  ဆန့် ကျင်နေတယ် ဆိုတာကို ပြည်သူတွေက ဆုံးဖြတ်လိမ့်မယ် ။
ကျွန်တော်ရဲ့  လက်ရှိအပြင်းပြဆုံး ဆန္ဒကတော့ ပြည်ထောင်စု ရန်သူလို့  ပြည်သူတွေ သတ်မှတ် လိုက်တဲ့ အဖွဲ့ အစည်းတွေက သူတို့ ရဲ့ ရပ်တည်မှုတွေကို မပြင်နိုင်ဘူးလို့  ဆိုလာတဲ့ အခါကြရင် ၊ အဲဒီ အဖွဲ့  အစည်းတွေ အတွက် ဒီပြည်ထောင်စု နိုင်ငံတော်ကြီး ထဲမှာ နေရာ မရှိစေချင်တော့ ဘူးဗျာ ။ ။
