ကုဋေ ရှစ်ဆယ် သူဌေးသားများ နိုင်ငံ

ကုဋေ ရှစ်ဆယ် သူဌေးသား အကြောင်းကို ကျွန်တော်တို့  တွေ ငယ်ငယ်လေး ထဲက သင်ခဲ့ ကြဖူးတယ် ။ ငယ်စဉ်က ပညာ မသင်ခဲ့လို့  မိဘတွေ ဆုံးသွားတော့ သူများတွေ လိမ်ညာတာ ခံရပြီး ဆင်းရဲသွားတဲ့ သူဌေးသား လေးအကြောင်း ကျွန်တော်တို့  တွေအားလုံး ကြားဖူးခဲ့ ကြတယ် ။ တသက်လုံး သုံးမကုန် အောင် စည်းစိမ်တွေ ရှိရဲ့ နဲ့  ခွက်လက်ဆွဲပြီး တောင်းစားရတဲ့ ဘဝကို ရောက်ခဲ့ ရတဲ့ သူဌေးသားလေး အကြောင်းဟာ ကျွန်တော်တို့  တွေ အတွက် ပညာတတ် ဖြစ်အောင် ကြိုးစားဖို့  သင်ခန်းစာ ယူစရာ နမူနာ တစ်ခု ဖြစ်ခဲ့တယ် ။

ကုဋေ ရှစ်ဆယ် သူဌေးသား အကြောင်း နဲ့  ပတ်သက်ပြီး ကျွန်တော့် ဘဝမှာ အမှတ်တရ အဖြစ် ၂ ခု ရှိခဲ့တယ် ။ ဒီ post ရေး ဖြစ်တာ ကတော့ လွန်ခဲ့တဲ့ ၁၇ နှစ် ကျော် လောက်က ပထမ အမှတ်တရ အဖြစ် လေးကြောင့် ရေးဖြစ်တာပါ ။ ကျွန်တော့် အတွက် အဲဒီ အမှတ်တရ အဖြစ်အပျက် လေးကတော့ တာရာမင်းဝေ ရဲ့  လုံးချင်း ဝတ္ထု တစ်အုပ်ဖတ်မိ တာကနေ စခဲ့ တာပါ ။ လုံးချင်း ဝတ္ထုရဲ့  နာမည်ကို ကျွန်တော်မမှတ် မိတော့သလို ၊ ဖတ်မိတဲ့ စာသား အတိအကျ ကိုလဲ ကျွန်တော် မမှတ်မိတော့ ပါဘူး ။

ကျွန်တော် မှတ်မိတာကတော့ အဲဒီ စာအုပ် ဖတ်ပြီးတော့ ကျွန်တော် ငယ်ငယ် လေးထဲက အကြိမ်ပေါင်း များစွာ ကြားဖူးခဲ့တဲ့ ကုဋေ ရှစ်ဆယ် သူဌေးသား အကြောင်းကနေပြီး ပညာတတ် ဖြစ်အောင် ကြိုးစားဖို့  အပြင် အရင်တုန်းက သတိမပြု မိခဲ့တဲ့ အခြား သင်ခန်းစာ ယူစရာ တွေ အများကြီး ရှိနေတယ် ဆိုတာကို တွေ့ ခဲ့ရတယ် ။

ဝတ္ထု ထဲမှာတော့ ကုဋေ ရှစ်ဆယ် သူဌေးသား အကြောင်း ထဲကနေပြီး ကျွန်တော် အရင်က တစ်ခါမှ သတိမထားမိ ခဲ့တဲ့ အချက် ၂ ချက်ကို ခပ်တိုတို လေးပဲ ရေးထားတာ ဖြစ်ပေမဲ့ အဲဒီ စာကြောင်း တိုတို လေးတွေက ကျွန်တော့်ကို တွေးစရာတွေ ၊ သင်ခန်းစာ ယူစရာတွေ အများကြီး ပေးခဲ့တယ် ။

ပထမ အချက်က ကုဋေ ရှစ်ဆယ် သူဌေးသားဟာ ပညာကို မသင်ချင်ခဲ့ဘူး ဆိုပေမဲ့ သူ ပညာမသင် ဖြစ်ခဲ့တာ သူတစ်ယောက် ထဲရဲ့  အပြစ်လား ။ အခြား သူတွေမှာ လုံးဝ တာဝန် မရှိတော့ဘူးလား ။ သူ့ ရဲ့  အုပ်ထိန်းသူတွေ ကရော တာဝန် ကျေခဲ့ ကြရဲ့  လား ။

ဒုတိယ အချက်က သူပိုင်ဆိုင် သမျှ အားလုံး လူလိမ် ခံရပြီး ဆင်းရဲ သွားပေမဲ့ ဘာမှ လုပ်မစား တတ်တဲ့ သူဌေးသားဟောင်းက ခိုးမစားဘူး ၊ လုမစားဘူး ။ ရိုးရိုးသားသား ခွက်လက် စွဲပြီး တောင်းစားတယ် ။ အဲဒါကို နင်သာ လူမိုက် ဒုစရိုက် ဆိုပြီး ဝိုင်းဝန်း ရိုက်နှက် လှောင်ပြောင် ကြတယ် ။ တကယ့် ဒုစရိုက် သမား အစစ်တွေက ဘယ်သူတွေလဲ ။ သူညံ့လို့  သူခံရတယ် ဆိုပေမဲ့ သူ့ ကို လိမ်ညာစားခဲ့ ကြတဲ့ သူတွေ မှာအပြစ် လုံးဝ မရှိတော့ ဘူးလား ။

လက်ရှိ ကျွန်တော်တို့  နိုင်ငံဟာ ကုဋေ ရှစ်ဆယ် သူဌေးသားတွေ နေတဲ့ နိုင်ငံပါ ။ အပေါ်က အချက် ၂ ချက်မှာ ပါတဲ့ မေးခွန်း ထုတ်စရာ လက်တဆုပ်စာ လူနည်းစု ကလွဲပြီး မြန်မာနိုင်ငံက ပြည်သူတွေ အားလုံးဟာ တကယ့် ကုဋေ ရှစ်ဆယ် သူဌေးသားတွေပါ ။ ကျွန်တော် တို့ တွေဟာ ပညာ မတတ် သူတွေနဲ့  ၊ ပညာ မရှိ သူတွေပါ ။ အလွတ်ကျက် စနစ်နဲ့ သင်ခဲ့ရတဲ့ ပညာ တော်တော် များများက ဘယ်နေရာမှာမှ သုံးလို့  မရဘူး ။ လက်တွေ့ မှာ တကယ် အသုံးပြုလို့  ရတဲ့ ဘာသာရပ်ကို လက်ချိုး ရီရင် လက် တစ်ဖက်မှာ ရှိတဲ့ လက်ချောင်းတွေ မပြည့်ဘူး ။ ရထားတဲ့ ဘွဲ့ လက်မှတ်ကို ဘယ်သူမှ အသိအမှတ် မပြုတော့ ပညာတွေ သင်ပြီး ပညာမရှိ သူတွေ ဖြစ်နေ ကြရတယ် ။ သင်ထားတဲ့ ပညာတွေ သုံးမရတာ ၊ ရထားတဲ့ ဘွဲ့  လက်မှတ်တွေ အသိအမှတ် အပြုမခံ ရတာတွေကြောင့် ပညာတွေ သင်ခဲ့ပေမဲ့ ပညာမရှိ သူတွေဖြစ်ပြီး ပြည်တွင်း ပြည်ပမှာ ရရာအလုပ်နဲ့  ကျွန်သာသာ ရုန်းကန် နေကြရတယ် ။

အခုလက်ရှိ မျိုးဆက် အခြေအနေ ကတော့ အဲဒီလို ပညာရေး ကိုတောင် မသင်နိုင်တဲ့ သူတွေ များများလာတယ် ။ အခြေအနေ အမျိုးမျိုးကြောင့် ပညာမသင်နိုင်ပဲ ကြုံရာ ကျပန်း အလုပ် လုပ်နေကြရတဲ့ မျိုးဆက်သစ် ကလေးငယ် တွေများများ လာတယ် ။ ကျွန်တော်တို့  နိုင်ငံမှာ မျိုးဆက်ပေါင်းများစွာ ပညာမသင် နိုင်တာ ၊ ပညာတွေ သင်ပြီး ပညာမရှိ သူတွေ ဖြစ်နေရ တာတွေနဲ့  ပတ်သက်ပြီး ဘယ်တာဝန် ရှိသူကမှ ၊ ဘယ်တုန်းကမှ တာဝန်ခံ ခဲ့တာမရှိဘူး ။ အပြစ်တွေ အားလုံး အတွက် ကျွန်တော်တို့  ပဲ ပြန် လက်ညှိုးအထိုး ခံရတယ် ။

ကျွန်တော်တို့  တွေ အားလုံးဟာ နောင်မျိုးဆက် များစွာထိ စားမကုန်အောင် ချမ်းသာ ကြတယ် ။ ကျွန်တော်တို့  နိုင်ငံမှာ မြေပေါ် မြေအောက် သဘာဝ သယံဇာတတွေ အများကြီး ရှိတယ် ။ ရေထွက် ကုန် ပစ္စည်း ၊ စိုက်ပျိုး ရေးထွက် ကုန် ပစ္စည်း တွေကလဲ ပြည်ပ ကို တင်ပို့  နိုင်လောက်တဲ့ အထိ ပေါများတယ် ။ ဒါပေမဲ့ ကျွန်တော်တို့  တွေရဲ့  ပိုင်ဆိုင်မှုတွေကို လူတစ်စုက လက်ဝါးကြီး အုပ်ပြီး နည်းမျိုးစုံ နဲ့  သူတို့  ပိုင်ဖြစ်အောင် လုပ်နေကြတယ် ။ သူတို့  တတွေ တစ်နေ့  ထက် တစ်နေ့  ပိုပို ချမ်းသာနေ ကြပေမဲ့ ကျွန်တော်တို့ တွေ ကတော့ တစ်နေ့  ထက် တစ်နေ့  ပိုပို ဆင်းရဲလာတယ် ။ ရိုးရိုး သားသား ၊ ကြိုးကြိုး စားစား ရုန်းကန် ရင်းနဲ့  တစ်နေ့ စာ ဝမ်းစာအတွက် အဆင်ပြေတဲ့ လုပ်အားခ နှုန်း တွေရဖို့  အတွက်တောင် တောင်းပန် နေကြရတဲ့ အခြေအနေ မှာ ကျွန်တော်တို့  တတွေသာ လူမိုက်တွေ ၊ ဒုစရိုက် သမားတွေလို့  အပြစ်ပြော ခံ နေ ကြရတယ် ။

မကြာတော့တဲ့ အချိန်မှာ ကျွန်တော်တို့  ပြတ်ပြတ် သားသား ဆုံးဖြတ်ရမှာ ရှိတယ် ။ တာဝန် မခံရဲတဲ့ ၊ တာဝန် ကျေပွန်အောင် မလုပ်နိုင်တဲ့ တာဝန်ရှိ သူတွေက အပြစ်ရှိ သမျှ ကျွန်တော် တို့ ကို လက်ညှိုးထိုး ပြီး အ ပြစ် ပုံချနေတာကို ဆက်ခံနေ မှာလား ၊ အဲဒီ သူတွေကို တာဝန်ခံ ရဲတဲ့ ၊ တာဝန် ကျေပွန်အောင် လုပ်နိုင်တဲ့ သူတွေနဲ့  အစားထိုး မှာလား ? လူလိမ်တွေက ချမ်းသာပြီး ၊ ကျွန်တော်တို့  ကုဋေ ရှစ်ဆယ် သူဌေးသား တွေက ဝမ်းစာအတွက် တောင်းရမ်း စားသောက် နေရတဲ့ ဒီ အခြေအနေ အတိုင်း ဆက်သွားမှာလား ၊ ဒီ စနစ် ကြီးကို ပြောင်းလဲ ဖို့  ကြိုးစားမှာလား ?

မကြာခင် ကျင်းပမဲ့ ရွေးကောက်ပွဲမှာ ကိုယ့် ဆုံးဖြတ်ချက် ကို အကောင် အထည် ဖော်ပေး နိုင်တဲ့ ပါတီကို ရွေးချယ် ပါ ။ မဲ ပေး ကြ ပါ ။ ။

ဖြစ်တော့ ဖြစ်မယ် ကြာဦးမယ်

Blog မှာလဲ post အသစ် မတင်ဖြစ်တာ ၃ နှစ် လောက်ရှိသွားပြီး ။ ရေးချင် တာတွေတော့ အများကြီး ရှိပါတယ် ၊ စာရေးချင်စိတ် မရှိလို့  မရေးဖြစ်တာပါ ။ ဒီကြားထဲ ရန်ကုန် တစ်ခေါက် ပြန်ဖြစ်သေးတယ် ။

မြန်မာပြည် ကို ပထမ တစ်ခေါက် ပြန်တုန်းက အဓိက သတိထား မိတာ တစ်ခုက လူတွေ အားလုံး လိုလိုဟာ ခြောက်ကပ်ကပ်နဲ့  အသက်မပါတဲ့ စက်ရုပ်တွေလို လှုပ်ရှုားနေကြတယ် ။ အတွင်းစိတ်တွေရဲ့  ခံစားမှုတွေကို လှမ်းမြင်နိုင်တဲ့ မျက်နှာတွေကို အထူးတလည် အားစိုက် စရာမလိုပဲ ကျင့်သားရနေ ကြပြီး ဖြစ်တဲ့ ဟန်ဆောင် အပြုံး ၊ တာဝန်ကြေ အပြုံး တွေနဲ့  ကာထားကြတယ် ။ ဖုံးကွယ် ထားလို့  မရတဲ့ မျက်လုံးတွေ ကတော့ အရာရာကို ယုံကြည်မှုတွေ ကင်းမဲ့ပြီး သံသယ တွေနဲ့  ပြည့်လို့ နေတယ် ။ ရွေးချယ်မှုကြောင့် မဟုတ်ပဲ ငြင်းပယ် ရှောင်လွှဲလို့  မရတဲ့ တာဝန်တွေကြောင့် အားလုံးလိုလိုရဲ့  ပုခုံးတွေ ပေါ်မှာ ကိုယ်ထမ်းနိုင်တဲ့ အလေးချိန်ထက် ပိုတဲ့ ဝန်ထုပ် ဝန်ပိုး ကိုယ်စီတွေနဲ့  ။

၉၉% လို့  ခေါ်တဲ့ လူတန်းစားမှာ ဘဝအတွက် အနာဂတ် ဆိုတာ မရှိဘူး ၊ ဒီနေ့ နဲ့  မနက်ဖြန်ပဲ ရှိတယ် ။ ဒီနေ့  ဘယ်လို ကုန်ဆုံးမှာလဲ ဆိုတဲ့  အပေါ်မှာ မူတည်ပြီး မနက်ဖြန်ကို ဘယ်လို ဖြတ်သန်း ရမလဲ ဆိုတာကို ပြင်ဆင်ကြ ရတယ် ။ ဦးနှောက်ဆေး ခံထားရတာလား ၊ အရာ အားလုံးကို လက်လျှော့ ထားလိုက် ကြတာလားတော့ မသိဘူး ၊ ကြည့်နေတဲ့ ကိုးရီးယား ဇာတ်လမ်း တွဲလေး အဆက်မပြတ် သွားဖို့  ၊ ဘော်လုံးပွဲတွေမှာ ဘယ်အသင်းက နိုင်မလဲ ဆိုတာ ခန့် မှန်း နိုင်ဖို့  နဲ့  ဘီယာ မှန်မှန် ဝယ်သောက် နိုင်ဖို့  က သူတို့  အတွက် အားလုံးထက် အရေးကြီးတယ် ။

နိုင်ငံမှာ ပြောင်းလဲမှုတွေ စနေပြီး ဆိုပေမဲ့လဲ ကိုယ်တိုင် ဆုံးဖြတ်ချက် ချဖို့  ထက် အသားကျ နေပြီးဖြစ်တဲ့ ခိုင်းလာမှ လုပ်တတ်တဲ့ အကျင့်တွေနဲ့  အထက် အဆင့်ဆင့်က ခိုင်းလာမှာကို ထိုင်စောင့်နေ ကြတယ် ။ ကိုယ်တိုင် ဦးဆောင်သူ ဖြစ်အောင် ကြိုးစားဖို့ ထက် ဦးဆောင်ပေးမဲ့သူ ပေါ်လာမဲ့ အချိန်ကို ထိုင်စောင့် နေကြတယ် ။ လူတိုင်းမှာ နေရာတိုင်းမှာ သံသယ တွေနဲ့  ။ ဒါတွေက ပထမ တစ်ခေါက်ပြန် တုန်းက အတွေ့ အကြုံတွေပါ ။

၂ နှစ်ကြာပြီး ဒုတိယ အခေါက်ပြန်တော့ လူငယ်ပိုင်း အတွင်းက ထူးထူး ခြားခြား အပြောင်းအလဲ တစ်ခုကို အဓိက သတိထား မိတယ် ။ လူငယ် တော်တော် များများရဲ့  မျက်နှာတွေ ပေါ်မှာ အပြုံး ကိုယ်စီနဲ့  ။ ဒါပေမဲ့ သူတို့  ကိုယ်တိုင် က လွဲပြီး ဘယ်သူမှ နားမလည် တဲ့အပြုံး ၊ အိပ်မက်အပြုံး ၊ အိပ်ပျော်နေတဲ့ သူတွေ ပြုံး တတ်တဲ့ အပြုံးမျိုး ကိုယ်စီနဲ့  ။ ဘယ်နေရာ သွားသွား Virtual world တွေထဲမှာ အိပ်ပျော် နေကြတဲ့ လူငယ်တွေကို တွေ့ ရ လိမ့်မယ် ။ သူတို့  အတွက်က ပတ်ဝန်းကျင်မှာ ဖြစ်ပျက်နေတာ တွေထက် မျက်နှာနဲ့  မခွာဘဲ အမြဲတမ်း ကပ်ထားတဲ့ mobile phone တွေ ဘက်ထရီ ကုန်မသွားဖို့  က ပိုပြီးအရေး ကြီးတယ် ။ သူတို့ တွေ အတွက် mobile signal/WiFi signal ဟာ oxygen ထက် ပိုပြီး တန်ဖိုး ရှိတယ် ။ Internet ကိုသာ အသက်မရှုဘဲနဲ့  နေတဲ့ မိနစ်အတိုင်း အလကား ပေးသုံးမယ် ဆိုရင် အသက်ရှုတာကို အတတ်နိုင်ဆုံး လျှော့ချကြမှာ သေချာတယ် ။

ကိုးရီးယား ဇာတ်လမ်းတွဲ ၊ ဘော်လုံးပွဲ နဲ့  ဘီယာတွေ ကလဲ အရင်အတိုင်းပဲ ပေါ်ပြူလာ ဖြစ်နေဆဲ ပါပဲ ။ အခြေခံ လူတန်းစား တွေရဲ့ ဘဝတွေ ကတော့ အရင်အခြေအနေ အတိုင်း မနက်ဖြန်ကို ဘယ်လို ဖြတ်သန်း ရမလဲ ဆိုတာ ဒီနေ့ အပေါ်မှာ မူတည်နေတုန်း ပါပဲ ။ လူလတ်တန်းစားတွေ ကြားထဲမှာတော့ နိုင်ငံခြားကို အလည်သွား မယ်ဆိုတာမျိုးတွေ ကြားလာရတယ် ။

ရေပန်း အစားဆုံး စကားက “ခေတ်ပြောင်းသွားပြီး” ဆိုတာ ဖြစ်မယ် ။ နေရာတိုင်းမှာ ကြားရလိမ့်မယ် ။ ပြောင်းသွားပြီးလို့  ပြောနေကြ ပေမဲ့ ဘယ်လိုပြောင်း ရမှန်း မသိတာတွေ နေရာတိုင်းမှာ တွေ့ နေရတယ် ။ ကိုယ်တိုင် ပြောင်းလဲမှုနဲ့  အတူ လိုက်ပြောင်းဖို့  တွန့် ဆုတ် နေကြတာတွေကို နေရာတိုင်းမှာ တွေ့ နေရတယ် ။ ကိုယ်တိုင် ဆုံးဖြတ်နိုင် ပြီးဆိုပေမဲ့ ဘယ်လိုဆုံးဖြတ် ရမှန်းမသိ တွေဝေ နေကြတယ် ။ ခိုင်းမှ လုပ်ရမဲ့ အခြေအနေ မဟုတ်တော့ဘူး ဆိုတာ သိပေမဲ့ ဘာလုပ်ရမှန်းမသိ ဖြစ်နေကြတယ် ။ အတွေး အခေါ် ဟောင်းတွေ အမြင်ဟောင်းတွေကို ဆုပ်ကိုင် ထားကြ ဆဲဆိုတာ ကိုလဲ နေရာတော်တော် များများမှာ တွေ့ နေရတယ် ။ အမှန် တရားထက် ငါ့လူထိ ဓားကြည့် ဆိုတဲ့ စနစ်ကလဲ လွှမ်းမိုးနေ တုန်းပဲ ။

ပြောင်းလဲဖို့  လိုတယ်ဆိုတာကို သဘောတူကြ ပေမဲ့ မှားခဲ့တယ် ဆိုတာကို လက်မခံ နိုင်ဖြစ်နေ ကြတယ် ။ ငါအယူအဆနဲ့  မတူသူ ၊ ငါ့ဖက် မပါ သူဟာ ငါ့ရန်သူ ဆိုပြီး ညီညွတ်ကြ ရမဲ့ အခြေအနေမှာ သွေးကွဲနေကြတယ် ။ တန်းတူညီမျှတဲ့ အခွင့်အရေး နဲ့  လွတ်လပ်မှု ဆိုတာကို ကိုယ်လိုသလို အဓိပ္ပါယ် ဖွင့်နေကြတယ် ။ ရှေ့ က ခေါင်းဆောင်ပြီး အော်ပေးမဲ့သူ ရှိရင် မှန်တာလဲမသိ ၊ မှားတာလဲ မသိ ထလုပ်ကြတယ် ။ လက်ညှိုးထိုး စရာ ရှိရင် အရင်တုန်းကတော့ တဖက်ထဲကို ဝိုင်းထိုး ကြပေမဲ့  အခုတော့ ကိုယ့်ဖက် မပါတဲ့ လူတိုင်းကို လှည့်ထိုးတယ် ။ ဘာသာရေးနဲ့  နိုင်ငံရေး ရောထွေးနေ ကြတယ် ။

လူတော်တော် များများက ပြောင်းလဲမှု ကြီးဖြစ်လာမှာကို ထိုင်စောင့် နေကြတယ် ။ စနစ်ပြောင်း သွားရင် အားလုံးပြောင်း သွားလိမ့် မယ်လို့ ထင်နေကြတယ် ။ မိမိတို့ ရဲ့  စိတ်ဓာတ်ဟောင်းတွေ ၊ အတွေးအခေါ်ဟောင်းတွေ ၊ အမြင်ဟောင်းတွေကို မပြောင်းလဲပဲ စနစ်တခုထဲကို ပြောင်းလဲဖို့  ကြိုးစားနေကြတယ် ။

ပြောင်းလဲမှုတွေ ကတော့ အနှေးနဲ့  အမြန်ပဲ ကွာမယ် ဖြစ်လာမှာတော့ သေချာတယ် ။ ဒါပေမဲ့ လက်ရှိ အခြေအနေက ပြောင်းလဲဖို့  ကြိုးစားနေဆဲပဲ ရှိပါသေးတယ် ။ ဦးတည်ရမဲ့ လမ်းကို သဘောတူဖို့  အတွက် အခုမှ ညှို့ နှိုင်းနေ ကြဆဲပဲ ရှိပါသေးတယ် ။ အခုမှ လမ်းရှာ တုန်း အခြေအနေပါ ။ ပန်းတိုင်ရောက်ဖို့  ဆိုတာ ကြာဦးမှာပါ ။ ။